યમુના જળમાં કેસર ઘોળી lyrics
yamuna jal ma kesar gholi lyrics in gujarati
યમુના જળમાં કેસર ઘોળી / જમના જળમાં કેસર ઘોળી : ભગવાન કૃષ્ણ ને મધ્યમાં રાખી બનેલ આ ધૂન-કીર્તન નાં શબ્દો નીચે મુજબ છે.
ગુજરાતી સોંગ Lyrics ટેલીગ્રામ ચેનલ : Click Here
યમુના જળમાં કેસર ઘોળી lyrics
યમુના જળમાં કેસર ઘોળી , સ્નાન કરાવું શામળા.
હલકે હાથે અંગો ચોળી , લાડ લડાવું શામળા. યમુના જળમાં.....
વસ્ત્રે અંગો લૂછી આપું , પીળું પીતાંબર પ્યારમાં.
તેલ સુગંધી નાખી આપું , વાંકડિયા તુજ વાળમાં. યમુના જળમાં.....
કુમકુમ કેસર તિલક લગાવું , ત્રિકમ તારા ભાલમાં.
અલબેલી આંખોમાં આંજુ , અંજન મારા વા'લમા. યમુના જળમાં.....
હસતી જાઉં વાતે વાતે , નાચી ઊઠું તાલમાં.
નજર ન લાગે શ્યામસુંદરને , ટપકાં કરી દઉં ગાલમાં. યમુના જળમાં.....
પગમાં ઝાંઝર છુમ છુમ વાગે , કરમાં કંકણ વા'લમા.
કાનોમાં કુંડળ કંઠે માળા , ચોરે ચીતડું ધ્યાનમાં. યમુના જળમાં.....
મોર મુગટ માથે પહેરાવું , મોરલી આપું હાથમાં.
કૃષ્ણ કૃપાળુ નીરખી શોભા , વારી જાઉં તારા વ્હાલમાં. યમુના જળમાં.....
અમારા બીજા ઉપયોગી સાહિત્ય
Tags:
BHAJAN